سندھ میں تمام اسکولوں کے اوقات کار سے متعلق اہم اعلان

کراچی: سندھ بھر میں شدید سردی کی لہر کے باعث اسکول کے اوقات کار میں تبدیلی کے فیصلے میں توسیع کردی گئی۔

ترجمان محکمہ تعلیم سندھ کا اس حوالے سے کہنا ہے کہ محکمہ اسکول ایجوکیشن سندھ نے سردی کے سبب اسکول صبح 9 بجے شروع کرنے کے فیصلے میں توسیع کردی ہے۔

ترجمان کا کہنا ہے کہ سندھ میں اسکول 4 فروری تک صبح 9 بجے کھلیں گے، فیصلے کا اطلاق سرکاری و نجی اسکولوں پر یکساں ہوگا۔