سرفراز بگٹی سمیت دو سینیٹرز مستعفی

سنیٹر سرفراز بگٹی سینیٹ کی نشست سے مستعفی ہوگئے اور اُن کا استعفیٰ چیئرمین سینیٹ صادق سنجرانی نے منظور بھی کرلیا۔

تفصیلات کے مطابق سنیٹر سرفراز بگٹی نے اپنا استعفی چیئرمین سینیٹ صادق سنجرانی کو پیش کردیا، جسے چیئرمین سینیٹ نے منظور کرلیا۔

اس کے علاوہ بلوچستان عوامی پارٹی کی سنیٹر پرنس عمر احمد زئی  سینیٹ کی نشست سے مستعفی ہوگئے۔ سنیٹر پرنس عمر احمد زئی  نے اپنا استعفی چیئرمین سینیٹ صادق سنجرانی کو پیش کیا جسے صادق سنجرانی نے منظور کرلیا۔ 

سینیٹ سے مستعفیٰ ہونے والے دونوں اراکین عام انتخابات میں صوبائی نشستوں پر کامیاب ہوئے ہیں۔