سیاحوں کی گاڑی دریائے نیلم میں گر گئی، 6 افراد جاں بحق، 5 لاپتہ

وادی نیلم میں سیاحوں کی گاڑی دریائے نیلم میں گرنے سے 6افراد لقمہ اجل بن گئے، جبکہ 5کی تلاش جاری ہے۔

ذرائع کے مطابق گاڑی میں 22 افراد سوار تھے، 6 زخمیوں کواسپتال منتقل کردیا گیا، گاڑی کی چھت پر 5 افرادنے اپنی مدد آپ کے تحت جانیں بچائیں۔

ڈسٹرکٹ ڈیزاسٹر منیجمنٹ اتھارٹی کا جاری کردہ بیان میں کہنا ہے کہ سیاحوں کی گاڑی کیل سے تابٹ جاتے ہوئے کریم آباد کے مقام پر حادثہ کاشکارہوئی اور دریا میں جاگری۔

گاڑی میں 22 افراد سوار تھے جن میں سے 6کی لاشیں نکال لی گئی ہیں جبکہ 6 زخمیوں کواسپتال منتقل کردیا گیا ہے۔

حکام کے مطابق لاپتا افراد کی تلاش کیلئے ریسکیو آپریشن جاری ہے۔ دشوارگزار راستے اور اندھیرے کی وجہ سے امدادی کارروائیوں میں مشکلات کا سامناہے۔ گاڑی میں سوارخاندان کا تعلق ملتان سے بتایا جارہا ہے۔