وزیراعظم کی فضل الرحمان سے ملاقات، سیاسی مسائل کی یقین دہانی

وزیراعظم شہباز شریف کی مولانا فضل الرحمان سے اہم ملاقات ہوئی ہے جس میں وزیر اعظم نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کر دی۔

وزیراعظم محمد شہباز شریف مولانا فضل الرحمان کی رہائش گاہ پر آمد پہنچ گئے۔ مولانا فضل الرحمان  نے وزیراعظم کی آمد کا خیر مقدم کیا۔

وزیراعظم نے مولانا فضل الرحمان کی خیریت دریافت کی اور کہا کہ آپ نے ہمیشہ جمہوری اقدار کی حفاظت کے لیے پر امن جدوجہد کو فروغ دیا ہے۔

وزیراعظم  نے مولانا فضل الرحمان کی دینی خدمات کی تعریف کی وزیراعظم نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کر دی۔ ملاقات میں بجٹ پر تفصیلی بات چیت کی گئی ہے۔