آئینی بینچ کو 6 ماہ کی توسیع، ججز کی تقرری کیلیے رولز میں بھی تبدیلی

سپریم کورٹ کے آئینی بنچ کو چھ ماہ کیلئے توسیع دے دی گئی ہے۔

تفصٰلات کے مطابق جوڈیشل کمیشن کا رولز سے متعلق اجلاس ہوا جس میں آئینی بنچ کی تشکیل برقرار رکھنے کا فیصلہ سات چھ کے تناسب سے ہوا۔

جسٹس جمال مندوخیل نے تمام سپریم کورٹ ججز کو آئینی بنچ میں شامل کرنے کی تجویز دی، ووٹنگ میں سات ممبران نے بنچ برقرار رکھنے کے حق میں فیصلہ دیا۔

قبل ازیں جوڈیشل کمیشن کے اجلاس میں رولز سے متعلق منظوری دی گئی۔

ذرائع کے مطابق اجلاس میں رولز کی منظوری دی گئی، کچھ رولز میں معمولی تبدیلی بھی کر دی گئی، جس کے تحت نئے ایڈیشنل ججز کیلئے میڈیکل ٹیسٹ کی شرط نکال دی گئی ہے۔

ذرائع کے مطابق کسی امیدوار کی انٹیلجنس رپورٹ لینا نہ لینا کمیشن کی صوابدید ہوا کرے گا، ہائیکورٹ چیف جسٹس کے لیے تین نام زیر غور آیا کریں گے۔

رولز کے حتمی ڈرافٹ کے مطابق سینئر جج کو چیف جسٹس ہائیکورٹ نہ بنانے پر وجوہات بتانا لازمی ہوں گی، سپریم کورٹ میں جج تعیناتی کیلئے ہائیکورٹ سے پانچ نام آیا کریں گے۔