ایوان صدر کے صرف گارڈن کی دیکھ بھال کیلیے 6 کروڑ سے زائد بجٹ مختص

معاشی بحران کا شکار پاکستان کی حکومت نے ایوان صدر کے گارڈن کی دیکھ بھال کیلیے 80 ملازمین مقرر کر کے ماہانہ بجٹ 6 کروڑ روپے مختص کردیا۔

ڈائیلاگ پاکستان کو موصول ہونے والی سرکاری دستاویز کے مطابق بجٹ میں اضافے کی منظوری مالی سال 2024-25 کے وفاقی بجٹ میں دی گئی ہے۔

دستاویز کے مطابق بجٹ میں پارکوں کی دیکھ بھال کے لیے رقم 30 ملین روپے سے بڑھا کر 6 کروڑ 33 لاکھ ماہانہ کردی گئی ہے جبکہ گارڈن کی دیکھ بھال کیلیے 85 افراد کو مقرر کیا گیا ہے۔

رقم کی تقسیم سے معلوم ہوا کہ 22,100,000 روپے سالانہ ملازمین کی تنخواہوں کے لیے مختص کیے گئے ہیں، جن کے الاؤنسسز 3 کروڑ 21 لاکھ جبکہ 2 کروڑ گیارہ لاکھ ریگولر الاؤنس، 1 کروڑ دس لاکھ دیگر الاؤنسز، ایک کروڑ دس لاکھ نقل و حمل، سفر، پانچ لاکھ عام اخراجات اور 1 کروڑ روپے پودوں کی خریداری اور 55 لاکھ روپے مشیننری کی دیکھ بھال کیلیے مختص کیے گئے ہیں۔

واضح رہے کہ حکومت نے خسارہ کم کرنے کے لیے بجٹ میں تنخواہ دار طبقے پر بہت زیادہ بوجھ ڈالا ہے اس کے علاوہ کئی اشیا پر ٹیکسز بھی بڑھائے گئے ہیں۔