6 دن انٹرنیٹ سروس متاثر ہونے کا امکان، صارفین کو صبر کا مشورہ

پی ٹی سی ایل نے ایک اہم سب میرین کیبل کی مرمت کے لیے شیڈولڈ مینٹیننس کا اعلان کردیا جس کے تحت 6 دن تک انٹرنیٹ سروس متاثر ہونے کا امکان ہے۔

پاکستان ٹیلی کمیونیکیشن لمیٹڈ کی جانب سے جاری اعلامیے کے مطابق سب میرین کیبل کی مرمت کا کام 14 اپریل 2026 سے شروع ہوگا اور 20 اپریل تک جاری رہے گا۔

پی ٹی سی ایل کے مطابق مرمت کے دوران شام کے اوقات میں انٹرنیٹ کی سروس متاثر ہو سکتی ہے۔

اعلامیے میں بتایا گیا ہے کہ بین الاقوامی کیبل کنسورشیم کی مدد سے پی ٹی سی ایل سب میرین کیبل میں خرابی کی مرمت کرے گا، صارفین مرمت کے دوران کسی بھی سروس متاثر ہونے کیلئے صبر کا مظاہرہ کریں۔