پاکستان میں سپرمون کا نظارہ آج ہوگا

پاکستان  سمیت دنیا بھر میں آج سپر مون کا نظارہ کیا جاسکے گا، جس کے دوران چاند معمول سے 14 فیصد روشن اور 7 فیصد بڑا دکھائی دے گا۔

ماہر ین فلکیات  کے مطابق سپرمون کے دوران زمین اور چاند کا درمیانی فاصلہ کم ہوجاتا ہے جس کے باعث چاند زیادہ بڑا اور روشن نظرآتا ہے۔

انہوں نے بتایا کہ سپر مون کے دوران چاند اور زمین کا فاصلہ سمٹ کر 2 لاکھ 26 ہزار میل ہوجائے گا جبکہ یہ فاصلہ دو لاکھ 38 ہزار 855 میل ہوتا ہے۔

 رواں سال کا یہ تیسرا فل مون ہے، پاکستان میں سورج غروب ہونے کے بعد سپر مون کا نظارہ ممکن ہوگا۔