سمندر کی گہرائی میں ’کالا شیطان‘ دریافت، خوفناک تصاویر

سمندر کی گہرائی میں ماہرین آبی حیات نے شیطانی مچھلی دریافت کی ہے۔

تفصیلات کے مطابق شارک ریسرچ تنظیم کونڈرِک ٹینیریفے کے ماہرین نے دعویٰ کیا ہے کہ انہوں نے ایک نایاب گہرے سمندری مخلوق، ہمپ بیک اینگلر فش، کو دن کی روشنی میں تیرتے ہوئے پہلی بار کیمرے میں قید کیا ہے۔

یہ مچھلی، جسے بلیک سی ڈیول (سیاہ شیطان) بھی کہا جاتا ہے، عام طور پر سمندر کی گہرائیوں میں پائی جاتی ہے، جہاں سورج کی روشنی نہیں پہنچتی۔

اس مچھلی کو فوٹوگرافر ڈیوڈ جارا بوگونیا، جو کونڈرِک ٹینیریفے نے سمندر میں اپنے کیمرے میں محفوظ کیا۔

تنظیم نے اپنے انسٹاگرام پوسٹ میں کہا کہ "یہ دنیا میں پہلی بار ہو سکتا ہے کہ ایک بالغ بلیک ڈیول مچھلی کو دن کی روشنی میں زندہ دیکھا گیا۔"

یہ مچھلی اس وقت دریافت ہوئی جب ٹیم پیلاگک شارکس پر تحقیق کر رہی تھی۔ اسے "سیاہ شیطان" کا نام اس کے سیاہ رنگ، خوفناک دانتوں اور عجیب و غریب شکل کی وجہ سے دیا گیا ہے۔

کونڈرِک کے محققین کے مطابق، انہوں نے اس مچھلی کے ساتھ تقریباً ایک گھنٹہ گزارا، جس کے بعد یہ مر گئی اور اسے ٹینیریفے کے قریب واقع میوزیم آف نیچر اینڈ آرکیالوجی میں لے جایا گیا۔

میگزین اوشینوگرافک کے مطابق، محققین نے ابھی تک یہ تعین نہیں کیا ہے کہ یہ مچھلی سطح سمندر کے قریب کیوں آئی۔ کچھ سائنسدانوں کا خیال ہے کہ ایل نینو کے موسمی حالات کے دوران اس نوع کی مچھلیاں کم گہرائی میں آ سکتی ہیں، جس کے نتیجے میں شمالی امریکہ کے ساحل پر ٹھنڈے پانی کی مقدار کم ہو جاتی ہے۔

کونڈرِک کی ٹیم نے لکھا کہ یہ مچھلی بیمار ہو سکتی تھی یا کسی شکاری سے بھاگ رہی تھی۔ سمندری حیاتیات کی ماہر لایا ویلیور، جو شارک کے مشن کا حصہ تھیں، نے ایف ای ایف نیوز ایجنسی کو بتایا کہ "ہم بندرگاہ واپس جا رہے تھے جب میں نے پانی میں کچھ سیاہ دیکھا جو پلاسٹک یا کوڑے کی طرح نہیں لگ رہا تھا۔ یہ غیر معمولی لگ رہا تھا۔"

انہوں نے کہا کہ "ہزاروں وجوہات ہو سکتی ہیں کہ یہ وہاں کیوں تھی۔ ہمیں بس یہ نہیں معلوم۔ یہ ایک انتہائی نایاب اور منفرد نظارہ تھا۔"

مادہ ہمپ بیک اینگلر فش کے سر پر بیکٹیریا سے بھرا ہوا ایک بائیولومینسینٹ لور ہوتا ہے، جو اندھیرے میں شکار کو اپنی طرف کھینچتا ہے۔ کونڈرِک کے محققین نے اپنے انسٹاگرام پوسٹ میں لکھا کہ "بالکل اسی طرح جیسے مقبول فلم فائنڈنگ نیمو میں دکھایا گیا تھا۔"