اسپیس ایکس کا سٹارشپ کامیابی سے خلا میں روانہ

ساوتھ پادرے آئی لینڈ: امریکی نجی خلائی کمپنی سپیس ایکس نے دنیا کے سب سے بڑے اور طاقتور راکٹ سٹارشپ کوایک اور آزمائشی پرواز پر کامیابی سے خلا میں بھیج دیا۔

عرب ٹی وی کے مطابق یہ تجربہ ایسے وقت میں کیا گیا ہے جب کمپنی پر چاند اور مریخ مشن کی بروقت تکمیل کے حوالے سے دبا ئوبڑھ رہا ہے۔

سٹارشپ نے مقامی وقت کے مطابق شام 6 بج کر 25 منٹ پر ٹیکساس میں اسپیس ایکس کے لانچ پیڈ سے پرواز بھری، جسے براہِ راست نشر کیا گیا۔

 ابتدائی مراحل کامیابی سے مکمل کرتے ہوئے راکٹ کا بوسٹر حصہ خلیج میکسیکو میں طے شدہ مقام پر اترا، جبکہ خلائی جہاز نے خلا میں مختلف تکنیکی تجربات کا آغاز کر دیا۔