اسرائیل نے 90 فیصد واٹس ایپ اکاؤنٹس ہیک کیے ہوئے ہیں، انکشاف

میٹا کی مقبول واٹس ایپ چیٹ سروس کے ایک عہدیدار نے کہا ہے کہ اسرائیلی اسپائی ویئر کمپنی پیراگون سلوشنز نے صحافیوں اور سول سوسائٹی کے ارکان سمیت اپنے متعدد صارفین کو نشانہ کر اکاؤنٹس ہیک کیے ہیں۔

غیرملکی خبررساں ادارے رائٹرز کے مطابق واٹس ایپ کے عہدیدار نے بتایا کہ ہیکنگ کی اطلاعات کے بعد واٹس ایپ نے پیراگون کو ایک وارننگ لیٹر بھیجا۔ بیان میں کہا واٹس اپ کا کہنا ہے کہ کمپنی ’لوگوں کی نجی بات چیت کرنے کی صلاحیت کا تحفظ جاری رکھے گی‘۔ تاہم پیراگون نے اس پر تبصرہ کرنے سے انکار کر دیا۔

واٹس ایپ کے عہدیدار نے رائٹرز کو بتایا کہ اس کے پلیٹ فارم پر تقریباً 90 صارفین کے اکاؤنٹ کو ہیک کرنے کا انکشاف ہوا ہے۔ 

امریکا کے فیڈرل بیورو آف انویسٹی گیشن نے اس دعوے پر فوری طور پر کوئی تبصرہ نہیں کیا۔ سیکیورٹی ماہر جان سکاٹ ریلٹن نے کہا کہ واٹس ایپ صارفین کو نشانہ بنانے والے پیراگون اسپائی ویئر کے انکشاف سے پتا چلتا ہے کہ اسپائی ویئر کا پھیلاؤ جاری ہے۔

اسپائی ویئر جیسے پیراگون حکومتی کلائنٹس کو سرویلینس سافٹ ویئر فروخت کرتے ہیں اور عام طور پر اپنی خدمات کو جرائم سے لڑنے اور قومی سلامتی کے تحفظ کے لیے اہم قرار دیتے ہیں۔