ٹک ٹاک صارفین کیلیے انسٹاگرام کی طرز پر نیا فیچر پیش

مختصر ویڈیو شیئرنگ پلیٹ فارم ٹک ٹاک نے صارفین کو انسٹاگرام طرز پر نیا فیچر پیش کردیا ہے۔

ٹک ٹاک نے خاموشی سے یہ فیچر متعارف کرانے کے ساتھ ہوم پیج کو ری ڈیزائن بھی کردیا ہے جس میں فالوونگ اور فار یو کے علاوہ لوکیشن پیجز بھی نظر آرہے ہیں۔

پلیٹ فارم پر ویسے تو فیڈز میں شہروں کے نام فیڈز میں دستیاب تھے مگر اب ان میں فوڈ اینڈ ڈرنک، ہوٹلز اور شاپنگ جیسی ذیلی فیڈز کا اضافہ کیا گیا ہے۔ فی الوقت یہ فیچر امریکا میں متعارف کرایا گیا ہے جہاں مخصوص شہروں کے صارفین کو یہ دستیاب ہوگا۔

ہوم پیج کو ری ڈئزائن کرنے سے صارفین ٹک ٹاک پر اپنے شہر میں اپنے پسند کا مواد تلاش کرسکیں گے اور انہیں ہر موضوع پر شیئر کی گئی ویڈیو نظر آجائے گی۔