ٹریفک قوانین کی نگرانی کے نظام میں مصنوعی ذہانت کا استعمال

عمان: اردن میں محکمہ ٹریفک نے نگرانی کا ایک جدید نظام متعارف کرایا ہے جو مصنوعی ذہانت کی ٹیکنالوجی پر انحصار کرتا ہے۔

 اس کا مقصد دوران ڈرائیونگ موبائل فون کے استعمال کے حوالے سے قانون کی خلاف ورزی کا پتا چلانا ہے۔ اس اقدام سے ٹریفک کے حوالے سے سلامتی اور ڈرائیوروں کی توجہ ہٹنے کے سبب ہونے والے حادثات میں کمی کو یقینی بنایا جائے گا۔

میڈیارپورٹس کے مطابق محکمہ ٹریفک نے باور کرایا کہ ڈرائیونگ کے دوران موبائل فون کا استعمال سنگین ترین رویہ شمار ہوتا ہے۔ اس کا گاڑی چلانے والے کی توجہ پر براہ راست اثر پڑتا ہے۔

اس کے نتیجے میں ذہن منتشر ہوتا ہے ، رد عمل سست پڑتا ہے اور روٹ سے ہٹ جانے کا امکان بڑھ جاتا ہے جس سے حادثات واقع ہونے کے مواقع کئی گنا بڑھ جاتے ہیں۔

نیا نظام اس بات کی خصوصیت رکھتا ہے کہ یہ خود کار طریقے سے موبائل فون کے استعمال کی مختلف حالتوں کا سراغ لگا سکتا ہے، خواہ ڈرائیور نے فون کو ہاتھ میں پکڑا ہو یا اس کی طرف دیکھ رہا ہو اور اس کے لیے کسی انسانی مداخلت کی ضرورت نہیں ہوتی۔

اس سے خلاف ورزی کرنے والوں کو ایک اسمارٹ اور مثر نگرانی کے نظام کے تحت زیادہ درستی کے ساتھ پکڑنے میں مدد ملتی ہے۔ اس کا سلوگن ہے کیوں کہ آپ کی زندگی اہم ترین ہے۔