یوٹیوبر انتھونی پیراگلائیڈنگ حادثے میں گردن اور کمر کے فریکچر کا شکار، ویڈیو سامنے آگئی

یوٹیوبر انتھونی پیراگلائیڈنگ حادثے میں گردن اور کمر کے فریکچر کا شکار ہو گئے، حادثے کے مناظر کیمرے میں قید ہو گئے۔

یوٹیوبر اور پیراگلائیڈنگ کے شوقین انتھونی ویلا کو ایک ویڈیو فلمانے کے دوران شدید چوٹیں آئیں۔

27 اپریل کو اپ لوڈ کردہ ''Paramoter Crash ALMOST My Life'' کے عنوان سے ایک ویڈیو میں، ویلا نے ہسپتال کے بستر سے اپنے 23K سبسکرائبرز سے بات کی اور واقعے کے حوالے سے تفصیلات بتائیں۔

انہوں نے بتایا کہ وہ اسٹیٹ پارک میں پیرا گلائیڈنگ کی ویڈیو فلما رہے تھے کہ حادثے کا شکار ہوگئے۔انہوں نے سطح زمین سے 80-100 فٹ کی بلندی پر طیارے کا کنٹرول کھو دیا، جس کی وجہ سے کریش لینڈنگ ہوئی۔انہوں نے اس حادثے کی پوری ذمہ داری قبول کرتے ہوئے اسے اپنی لاپرواہی سے منسوب کیا۔

ویلا نے اپنے سبسکرائبرز کے تعاون پر ان کا شکریہ ادا کیا اور گردن اور کمر کی چوٹوں کے باوجود انہیں یقین دلایا کہ وہ مستقبل میں مواد تخلیق کرنے کا ارادہ رکھتے ہیں۔