بنوں میں سیکیورٹی فورسز کی چیک پوسٹ پر حملے میں 12 شہید

خیبرپختونخوا کے ضلع بنوں کے عام علاقے میں قائم پاک فوج اور ایف سی کی مشترکہ چیک پوسٹ پر خودکش حملے میں 12 اہلکار شہید ہوگئے۔

پاک فوج کے شعبہ تعلقات عامہ کے مطابق بنوں کے علاقے نالی خیل میں خوارج دہشت گردوں نے حملہ کیا، جس پر سیکیورٹی فورسز نے بھرپور جواب دے کر اسے ناکام بنایا۔

فائرنگ کے شدید تبادلے میں 6 دہشت گرد ہلاک ہوگئے جبکہ اسی دوران چیک پوسٹ پر دہشت گردوں نے رکشے کے ذریعے خودکش حملہ کیا۔

خودکش دھماکے میں چوکی سمیت دیگر اراضی زمین بوس ہوگئی، جبکہ 12 اہلکار شہید جبکہ پانچ سے زائد زخمی ہوئے ہیں۔

آئی ایس پی آر کے مطابق علاقے میں دہشت گردوں کی تلاش کیلیے آپریشن جاری ہے۔