ڈکیتی واردات کے دوران خواتین سے اجتماعی زیادتی

پنجاب کے علاقے کمالیہ کے علاقے میں ڈکیتی کے دوران دو خواتین کو اجتماعی زیادتی کا نشانہ بنانے کا انکشاف ہوا ہے۔

تفصیلات کے مطابق کمالیہ کے علاقے جھلا رسگلہ میں ڈکیتی کے دوران 2 خواتین سے اجتماعی زیادتی کا مقدمہ درج کرلیا گیا۔

پولیس حکام کے مطابق مدعی مقدمہ شوہر نے بتایا کہ گھر میں ڈکیتی کے دوران ڈاکوؤں نے اہلیہ اور اہلیہ کی بہن سے زیادتی کی ہے۔ مدعی مقدمہ کے مطابق 4 ڈاکو گھر سے 4 لاکھ روپے کا سونا اور نقدی لوٹ کر فرار ہوئے ہیں۔

حکام کے مطابق تھانہ صدر پولیس نے مقدمہ درج کر کے ملزمان کی تلاش شروع کردی۔