ڈالمیا روڈ پر قائم ہوٹل کی تجاوزات مسمار

کراچی کے ڈالمیا روڈ پر واقعہ ملینیم مال کے سامنے فٹ پاتھ پر قائم کیے گئے ریسٹورنٹس کو انکروچمنٹ آپریشن کر کے ختم کردیا گیا۔

 کنٹونمنٹ بورڈ فیصل کی جانب سے بڑے پیمانے پر چلائے جانے والے انکروچمنٹ آپریشن کے دوران مسمار ان ہوٹلوں کی جانب سے گھیری گئی جگہ کو مسمار کیا گیا۔

کنٹومنٹ کے علاقوں میں بڑے پیمانے پر غیر قانونی تجاوزات کیخلاف آپریشن جاری ہے۔

سوشل میڈیا پر گردش کرنے والی ایک ویڈیو میں اسکوائر ون مال کے سامنے واقعہ ریسٹورنٹس کو مسمار ہوتے دکھایا گیا ہے، جو نیشنل اسٹیڈیم کی طرف جانے والی سڑک پر واقع ہیں۔

اسکے علاؤہ کورنگی کنٹونمنٹ بورڈ کی جانب سے بھٹائی کالونی میں غیرقانونی تعمیرات کو مسمار کرنے کے ساتھ ساتھ دیگر علاقوں میں بھی انکرچمنٹ آپریشن شروع کیے گئے ہیں۔ اگلے مرحلے میں کلفٹن، ڈیفنس، درخشاں اور گزری میں بھی انکروچمنٹ آپریشن کیا جائے گا۔