دوسری شادی پر ماں اور بیٹے نے باپ کو قتل کردیا

گوجرانوالہ میں ایک افسوسناک واقعہ میں ایک شخص کو مبینہ طور پر اس کی پہلی بیوی اور ان کے بیٹے نے دوسری شادی کرنے پر تشدد کرکے قتل کردیا۔

یہ واقعہ گوجرانوالہ میں پیش آیا، جہاں پولیس نے بتایا کہ متوفی کی شناخت طارق کے نام سے ہوئی، دوسرi بیوی نے شکایت درج کرائی کہ اس کے شوہر کو پہلی بیوی اور بیٹے نے قتل کیا۔

پولیس کا کہنا ہے کہ طارق نے چھ ماہ قبل دوسری شادی کی تھی اور اس کی شادی کے انکشاف پر ماں اور بیٹا مشتعل ہوگئے تھے۔

پولیس کے مطابق ماں اور بیٹے نے طارق کو رسی سے باندھ کر تشدد کا نشانہ بنایا اور گلا دبا کر قتل کرنے سے پہلے مبینہ طور پر اس کی آنکھوں میں سرخ مرچ کا پاؤڈر ڈالا۔

شکایت کنندہ کے مطابق ملزم کو قتل کرنے کے بعد ملزم نے طارق کی دوسری بیوی کے گھر پر بھی حملہ کیا۔

فرسٹ انفارمیشن رپورٹ (ایف آئی آر) درج کرنے کے بعد پولیس نے ماں بیٹے کی جوڑی کو گرفتار کر لیا، جنہوں نے پولیس تفتیش کے دوران جرم کا اعتراف کر لیا۔ پولیس نے ملزمان کی شناخت کے بعد مقتول کی لاش کو قبضے میں لے لیا۔