حافظ آباد میں ڈاکوؤں کی شوہر اور بیٹی کے سامنے خاتون سے اجتماعی زیادتی

پاکستان کے صوبہ پنجاب کے ضلع حافظ آباد میں ایک ہولناک واقعہ میں خاتون کو اس کے شوہر اور بیٹی کے سامنے ڈاکوؤں نے اجتماعی زیادتی کا نشانہ بنا ڈالا۔

تفصیلات کے مطابق متاثرہ خاندان حافظ آباد سے موٹرسائیکل پر چینوٹ جارہا تھا کہ سکھیکے کے مقام پر تین ڈاکوؤں نے انہیں روکا اور  خاتون کو اسلحے کے زور پر یرغمال بنا کر قریبی کھیتوں میں لے گئے جہاں اہل خانہ کے سامنے انہیں تینوں نے زیادتی کا نشانہ بنایا۔

جرم کی اطلاع ملنے پر  پولیس اہلکار نے ابتدائی طور پر مجرموں کی گرفتاری کے لیے فوری کارروائی کرنے کے بجائے دائرہ اختیار کے تنازع میں الجھے رہے۔

تاہم بعد ازاں ڈی پی او فیصل آباد فیصل گلزار نے مداخلت کرتے ہوئے واقعہ کا نوٹس لیتے ہوئے تھانہ سکھیکے کے ایس ایچ او لقمان چٹھہ کو معطل کر دیا۔ متاثرہ خاتون کے شوہر کی مدعیت میں تھانہ سکھیکے میں ڈاکوؤں کے خلاف مقدمہ درج کر لیا گیا ہے۔