ہنی مون پر گئے کراچی کے جوڑے کی اچانک موت

کراچی سے آزاد کشمیر کی وادی نیلم آنے والے میاں بیوی گیسٹ ہاؤس میں دم گھٹ کرجاں بحق ہوگئے۔ 

کراچی کے رہائشی محمد طلحہ علی اور دعا زہرہ کیل سیری کے مقام پرنجی گیسٹ ہاؤس میں مقیم تھے۔

ڈسٹرکٹ ڈیزاسٹر مینجمنٹ اتھارٹی نیلم کے انچارج کے مطابق رات کو کمرہ گرم رکھنے کیلئے دونوں گیس ہیٹرجلا کرسوگئے۔ 

صبح دیرتک نہ جاگنے پرگیسٹ ہاؤس انتظامیہ نے دروازہ کھولا تو دونوں مردہ پائے گئے۔ ضابطے کی کارروائی کے بعد لاشیں کراچی روانہ کردی گئی ہیں۔