ہوائی فائرنگ، ون ویلنگ اور پتنگ بازی حرام ہے، فتویٰ جاری

دارالافتا جامعہ نعیمیہ کے مذہبی اسکالرز نے لاہور کے محکمہ پولیس کے ساتھ شراکت میں ایک فتویٰ جاری کیا ہے جس میں تین سرگرمیوں ہوائی فائرنگ، ون ویلنگ اور پتنگ بازی کو غیر اسلامی قرار دیا گیا ہے۔

ذرائع کے مطابق فتویٰ میں قرآن اور احادیث کی متعدد آیات کا حوالہ دیا گیا ہے تاکہ اس دعوے کی تائید کی جا سکے کہ ان اعمال کو کرنا حرام ہے۔

یہ اعلامیہ لاہور کے آپریشنز ڈویژن کے سینئر پولیس حکام کے درمیان ہونے والی اہم گفتگو کے بعد سامنے آیا ہے، جس  دوران اعداد و شمار پیش کیے گئے جس میں ان سرگرمیوں سے وابستہ اموات اور زخمیوں کی تشویشناک تعداد کو اجاگر کیا گیا،  جو خاص طور پر نوجوانوں کو متاثر کررہے ہیں۔

کیونکہ اس طرح کے واقعات کے باعث بہت سے خاندانوں کو گہرا صدمہ پہنچا ہے۔

پولیس کے مطابق، مذہبی اسکالرز اور قانون نافذ کرنے والے اداروں نے ان خطرناک سرگرمیوں میں ملوث ہونے کو غیر قانونی اور غیر اسلامی قرار دیتے ہوئے سخت انتباہ جاری کیا ہے۔

علمائے کرام نے اس بات پر زور دیا کہ اسلام انسانی جان کی حرمت کو ترجیح دینا ضروری ہے اور کوئی بھی ایسا عمل جس سے زندگی کو خطرہ لاحق ہو، قطعاً حرام ہے۔

ایک اہلکار نے فتویٰ کا حوالہ دیا، جس سے یہ ظاہر ہوتا ہے کہ یہ سرگرمیاں خود کشی کی کارروائیوں کے مترادف ہیں، کیونکہ قرآن واضح طور پر ایسے اعمال کی ممانعت کرتا ہے جو خود کو نقصان پہنچاتے ہیں۔