ہیٹ ویو الرٹ جاری

محکمہ موسمیات نے گرمی کی شدت کے پیش نظر ہیٹ ویو الرٹ جاری کردیا۔

محکمہ موسمیات کے مطابق گرمی کی موجودہ لہر کی وجہ سے دیہی سندھ کے اضلاع میں دن کے وقت زیادہ سے زیادہ درجہ حرارت 5 سے7 ڈگری اضافی ریکارڈ ہوسکتے ہیں 

لاڑکانہ، جیکب آباد، شکارپور، کشمور، قمبر شہداد کوٹ، گھوٹکی، سکھر، نوشہرو فیروز، شہید بینظیر آباد، خیرپور اور جامشورو اضلاع میں آج اور کل شدید گرمی کی لپیٹ میں رہ سکتے ہیں۔

مغربی لہر کے زیر اثر گردو غبار کے طوفان کے ساتھ جامشورو، دادو، شہید بینظیر آباد میں چند مقامات پر ہلکی بارش/بوندا باندی ہوسکتی ہے، 10 اپریل کو قمبر شہدادکوٹ، لاڑکانہ، جیکب آباد، سکھر اور خیرپور اضلاع میں گرد آلود ہوائیں چلنے کا امکان ہے ل۔

کراچی میں تین روز کے دوران پارہ 34 تا 36 ڈگری کے درمیان رہنے کا امکان ہے جبکہ اس دوران سمندر کی جنوب مغربی/ مغربی سمت کی ہوائیں چل سکتی ہیں۔