جامشورو میں بجلی اور چھت گرنے سے 12 سالہ بچے سمیت دو جاں بحق

سندھ کے علاقے جامشورو میں بجلی اور چھت گرنے کی وجہ سے دو افراد جاں بحق جبکہ تین بچے زخمی ہوگئے۔

تفصیلات کے مطابق جامشورو کے گوٹھ ڈولو جوکھیو میں بجلی گرنے سے چالیس سالہ سلیمان جاں بحق ہوگیا جبکہ گوٹھ شوکت پالاری میں بارش کے دوران چھت گرنے سے بارہ سالہ لڑکا کبیر جاں بحق ہوگیا۔

چھت گرنے کے نتیجے میں تین بچے جن میں قدیر ، سبحان اور منیر زخمی ہوگئے جنہیں اسپتال منتقل کر دیا گیا۔

واقعے کے بعد علاقے کی فضا سوگوار ہوگئی جبکہ والدین بھی ناگہانی آفت پر حالت غم میں ہیں۔