کراچی، گلستان جوہر بلاک 19 میں آتشزدگی کے بعد دھماکا

شہر قائد کے علاقے گلستان جوہر بلاک 19 میں گاڑی آتشزدگی کے بعد دھماکا ہوا ہے۔

تفصیلات کے مطابق گلستان جوہر بلاک 19 میں سلطان مسجد کے قریب دھماکے میں گاڑی جل کر مکمل خاکستر ہوگئی جبکہ حادثے میں کوئی جانی نقصان نہیں ہوا۔

گاڑی مرمتی کام کیلیے مکینک کے پاس تھی، اس دوران پیٹرول رسنے سے آگ لگی اور پھر زور دار دھماکا ہوگیا جس کی آواز گلستان جوہر کے دیگر بلاکس تک سنی گئی۔

واقعے کے بعد فلاحی اداروں کے رضاکار ، ایمبولینس، پولیس اور رینجرز کی نفری پہنچی۔ فائر بریگیڈ حکام نے بروقت اقدامات کر کے آگ پر فوری قابو پایا۔