کراچی، کمسن بچی کو زیادتی کا نشانہ بنانے والا ملزم کئی روز بعد گرفتار

کراچی کے علاقے سرجانی ٹاؤن میں کمسن بچی کو زیادتی کا نشانہ بنانے والے ملزم کو پولیس نے کئی روز بعد پکڑ لیا۔

ڈسٹرکٹ ویسٹ کی انویسٹیگیشن پولیس نے اتوار کے روز ملزم رحمت کی گرفتاری ظاہر کی جس نے مبینہ طور پر 26 جنوری کو ایک کمسن بچی کو سرجانی ٹاؤن کے علاقے میں زیادتی کا نشانہ بنایا تھا۔

پولیس کے مطابق ملزم بیکری پر کام کرتا ہے اور وہ واردات کے بعد سے کام پر بھی نہیں ا رہا تھا جبکہ گرفتاری کے ڈر سے مفرور تھا۔

پولیس نے شبہ ظاہر کیا ہے کہ علاقے میں ہونے والے دیگر حراسانی کے واقعات میں اس گرفتاری کی مدد سے پیشرفت مل سکے گی۔