کراچی: مبینہ اجتماعی زیادتی سے لڑکی حاملہ ہوگئی

کراچی کے علاقے میمن گوٹھ میں ملزمان کی جانب سے مبینہ اجتماعی جنسی زیادتی کے باعث متاثرہ لڑکی حاملہ ہوگئی ہے۔

پولیس حکام کے مطابق میمن گوٹھ میں لڑکی سے مبینہ اجتماعی جنسی زیادتی کا واقعہ پیش آیا جس کے خلاف مقدمہ درج کر لیا گیا، متاثرہ لڑکی کے والد کی مدعیت میں درج ایف آئی آر میں تین ملزمان کو نامزد کیا گیا۔

لڑکی کے والد نے اپنے بیان میں بتایا کہ ملزمان میری بیٹی کو بلیک میل کر کے جنسی زیادتی کا نشانہ بناتے تھے، انہوں نے بیٹی کو دھمکا ڈرا کر خاموش رہنے پر مجبور کرتے رہے، حاملہ ہونے پر بیٹی نے والدہ کو حقیقت بتائی۔

16 اپریل 2025 کو کراچی کے علاقے ملیر سٹی میں اسکول کی طالبہ سے مبینہ اجتماعی جنسی زیادتی کا مقدمہ متاثرہ لڑکی کے والد کی مدعیت میں درج کیا گیا تھا۔

پولیس حکام نے اس حوالے سے بتایا تھا کہ طالبہ سے مبینہ اجتماعی جنسی زیادتی کرنے والے ملزمان کی گرفتاری کیلیے چھاپے مار رہے ہیں جبکہ متاثرہ کا میڈیکل کروایا جا رہا ہے۔

ایف آئی آر کے متن کے مطابق واقعے میں اسکول طالب علم اور ساتھی ملوث ہیں، بیٹی اسکول گئی تو ملزم فیضان نے کار میں بٹھا کر اغوا کیا، پھر بیٹی کو نشہ آور چیز دینے کے بعد جنسی زیادتی کا نشانہ بنایا گیا۔

طالبہ کے والد نے کہا کہ ملزم فیضان نے 3 نامعلوم ملزمان کے ساتھ مل کر جنسی زیادتی کی اور بعد میں بیٹی کو گھر کے باہر چھوڑ دیا گیا۔