کراچی: شارع فیصل پر واقع رہائشی فلیٹ میں لفٹ گرگئی

کراچی: شارع فیصل نرسری پر واقع رہائشی فلیٹ میں لفٹ گرنے کا واقعہ رونما ہوا ہے، لفٹ گرنے کی وجہ سے 2 افراد زخمی ہوئے ہیں۔

کراچی کے علاقے شارع فیصل نرسری پر افسوسناک واقعہ پیش آیا ہے، ریسکیو حکام نے لفٹ گرنے سے متعلق بتایا کہ لفٹ گرنے کی وجہ سے 2 لوگ زخمی ہوئے ہیں جبکہ زخمیوں سمیت 5 افراد کو نکال دیا گیا ہے۔

ریسکیوحکام نے واقعے کی تفصیلات بتاتے ہوئے مزید کہا کہ 2 افراد معمولی زخمی ہوئے ہیں، انھیں اسپتال منتقل کردیا گیا ہے۔