کراچی میں 22 سالہ لڑکی کی برہنہ اور تعفن زدہ لاش برآمد

شہر قائد کے علاقے سہراب گوٹھ کے قریب قبرستان سے ایک لڑکی کی تعفن زدہ برہنہ لاش ملی ہے۔

تفصیلات کے مطابق نامعلوم لڑکی کو سفاکانہ طریقے سے قتل کر کے برہنہ لاش پھینکی گئی جبکہ مقتولہ کی گردن، ٹانگیں اور ہاتھ سمیت دیگر اعضا ٹکڑے ٹکڑے ہیں۔

پولیس کے مطابق لاش تقریباً پانچ دن پرانی ہے اور یہ گل سڑ چکی ہے جس کے باعث تعفن اٹھ رہا ہے جبکہ جسم پر کپڑے بھی نہیں ہیں۔

پولیس کے مطابق تلاش ایپ سے بھی شناخت ممکن نہیں ہو رہی، ضابطے کی کارروائی کیلیے لاش کو اسپتال منتقل کیا جائے گا پھر اسے سرد خانے رکھا جائے گا۔