کراچی میں ڈاکٹر کی غفلت اور غلط انجکشن سے دو سالہ بچی جاں بحق

شہر قائد کے علاقے کریم آباد میں قائم نجی اسپتال میں غلط انجکشن کے باعث دو سالہ بچی انتقال کرگئی۔

کریم آباد کے قریب نجی اسپتال میں ڈاکٹرز کی مبینہ غفلت سے 2 سال کی بچی جاں بحق ہوگئی۔

واقعے کے بعد ورثا نے شدید احتجاج کیا اور کہا کہ بچی کو ڈی ہائیڈریشن کی شکایت پر صبح 10 بجے اسپتال لایا گیا تھا، جس پر ڈاکٹر نے غلط انجکشن لگایا اور فرار ہوگیا جبکہ 2 گھنٹے تک موت کا بتایا بھی نہیں گیا۔

پولیس نے اہلخانہ کی شکایت پر اسپتال کے ڈاکٹر اور ایڈمنسٹریٹر کو حراست میں لے لیا۔