کراچی میں دن دہاڑے برقع پوش خاتون کے ساتھ جنسی ہراسانی کا واقعہ

کراچی میں سڑکوں پر ہراساں کرنے کے ایک اور واقعے میں، پاک کالونی میں ایک برقع پوش خاتون کو ایک شخص نے جنسی ہراسانی کا نشانہ بنایا ہے۔

 تفصیلات کے مطابق یہ واقعہ 2 اپریل کی صبح 9 بج کر 24 منٹ پر پیش آیا اور کیمرے میں قید ہوگیا۔

 وائرل ہونے والی ویڈیو میں ایک شخص کو ایک خاتون کو پیچھے سے جھپٹتے ہوئے دیکھا جا سکتا ہے، جو کراچی کے علاقے پاک کالونی میں رہائشی علاقے کی ایک گلی سے گزر رہی تھی۔

 ویڈیو میں ہراساں کرنے والے کا چہرہ واضح طور پر دیکھا جا سکتا تھا، جو خاتون کی جانب سے مزاحمت کرنے کے بعد آسانی سے فرار ہو گیا۔

 پولیس کا کہنا ہے کہ سی سی ٹی وی فوٹیج کی مدد سے ایک مشتبہ شخص کو گرفتار کیا گیا ہے۔

 تاہم متاثرہ نے معاملے کی تحقیقات شروع کرنے کے لیے پولیس سے رابطہ نہیں کیا۔

 واضح رہے کہ سال 2024 کا یہ اس طرح کا دوسرا واقعہ ہے کیونکہ گزشتہ سال سڑکوں پر ہراساں کرنے کے متعدد واقعات سامنے آئے تھے۔