کراچی میں فلمی انداز کی ڈکیتی، شہری 30 لاکھ سے محروم

کراچی: محمود آباد کے بینک سے رقم نکلوا کر جانے والے شہری کو موٹر سائیکل سوار ڈاکوؤں نے کئی کلومیٹر کا تعاقب کر کے ڈالمیا روڈ گلشن جمال کے قریب 30 لاکھ روپے سے محروم کردیا۔

تفصیلات کے مطابق شارع فصل تھانے کے علاقے ڈالمیا روڈ نزد گلشن جمال سوسائٹی کے قریب 2 موٹر سائیکلوں پر سوار 3 ڈاکوؤں نے دن دہاڑے کار سوار شہری کو روکنے کی کوشش کی اور نہ رکنے پر گاڑی کا شیشہ توڑ دیا جس کے باعث شہری خوفزہ ہو کر روک گیا اس دوران ڈاکوؤں نے شہری سے رقم چھین لی اور موقع سے فرار ہوگئے۔

پولیس نے واقعے کی تصدیق کرتے ہوئے بتایا کہ شہری بینک سے 40 لاکھ روپے نکلوا کر نکلا تھا، خوش قسمتی سے دس لاکھ روپے جیب میں نیچے ہونے کیوجہ سے محفوظ رہے۔

حیران کن امر یہ بھی ہے کہ ڈکیتوں کو یہ تک اطلاع تھی کہ شہری نے رقم کو گاڑی کی سیٹ کے نیچے رکھا ہے۔