کراچی میں ماں باپ نے مبینہ طور پر نومولود بچی کو چوتھی منزل سے نیچے پھینک کر مار ڈالا

لانڈھی کے علاقے چکرا میں افسوسناک واقعے پیش آیا جس میں مبینہ طور پر نومولود بچہ کو ماں باپ نے چوتھی منزل سے نیچے پھینک کر مار ڈالا۔

پولیس کے مطابق بچی کو عمارت کی چوتھی منزل سے نیچے پھینکا گیا۔ واقعے کی اطلاع علاؤہ مکینوں نے دی جس کے بعد پولیس موقع پر پہنچی اور تفتیش کا آغاز کر دیا۔

ابتدائی معلومات کے مطابق بچی کی لاش کپڑوں میں لپٹی ہوئی تھی۔ عینی شاہدین کے بیانات کے بعد پولیس نے قریبی عمارت سے ایک خاتون اور ایک مرد کو مشتبہ قرار دے کر حراست میں لے لیا ہے جو مبینہ طور پر متوفیہ کے والدین ہیں۔

پولیس حکام کا کہنا ہے کہ سی سی ٹی وی فوٹیجز حاصل کی جا رہی ہیں تاکہ واقعے کے اصل محرکات اور ملوث افراد کا سراغ لگایا جا سکے جبکہ واقعے کی مزید تحقیقات جاری ہیں۔