کراچی میں واٹر ٹینکر نے نماز ادائیگی کیلیے مسجد جانے والے بزرگ کو کچل کر مار ڈالا

کراچی کے علاقے سعید آباد میں تیز رفتار واٹر ٹینکر نے نماز پڑھنے کیلیے مسجد جانے والے 75 سالہ بزرگ شہری کو پہیوں تلے روند ڈالا۔

تفصیلات کے مطابق سعید آباد کے علاقے بلدیہ سیکٹر 8 ای میں خونی واٹر ٹینکر نے نماز پڑھنے والے بزرگ شہری کو روند کر زندگی سے محروم کر دیا۔

واقعے کی اطلاع ملتے ہی پولیس اور ریسکیو رضاکار موقع پر پہنچے اور انہوں نے متوفی کی  کو ضابطے کی کارروائی کے لیے سول اسپتال منتقل کیا۔

پولیس کے مطابق متوفی کی شناخت 75 سالہ عارف خان کے نام سے ہوئی جو جائے حادثہ کی گلی کا رہائشی تھا اور گھر سے نماز کی ادائیگی کے لیے مسجد جارہا تھا۔

حادثے کے بعد ڈرائیور موقع سے فرار ہوگیا جبکہ مشتعل افراد نے ٹینکر کو توڑ پھوڑ کے بعد نذر آتش کرنے کی کوشش کی مگر پولیس نے مظاہرین کو منتشر کر کے ٹرک کو تھانے منتقل کردیا۔

پولیس کا کہنا ہے کہ واقعے کے حوالے سے مزید تفتیش جاری ہے اور اہل خانہ کے بیانات کی روشنی میں مقدمہ درج کیا جائے گا۔