کراچی میں ایک اور بچہ لاپتہ، پولیس کا گھر والوں کو بھی تلاش کرنے کی ہدایت

کراچی سے اور بچہ مبینہ طور پر اغوا ہوگیا جس کے بعد سال کے 22 روز میں لاپتہ ہونے والے بچوں کی تعداد 17 تک پہنچ گئی ہے۔

حالیہ واقعہ ضلع شرقی کے علاقے پی آئی بی کالونی میں پیش آیا جہاں فرقان آباد سے 10 عبدالرحمان مبینہ طور پر اغوا ہوگیا۔ 

والد فقیر محمد کے مطابق 10 سالہ عبدالرحمان شام میں گھر سے کھیلنے کے لئے نکلا لیکن واپس نہ آیا جبکہ اُس کو تلاش کیا اور مساجد میں اعلان بھی کیا۔

والد فقیر محمد کے مطابق کافی تلاش کرنے کے بعد پولیس سے رابطہ کیا، پولیس نے روزنامچے میں اندراج کرکے تلاش شروع کردی ہے۔ پولیس کا کہنا ہے ہم بھی تلاش کررہے ہیں آپ بھی تلاش کریں،

والد نے بتایا کہ بچے کا ذہنی توازن درست نہیں ہے، عبدالرحمان روزانہ باہر کھیلنے جاتا لیکن واپس آیا تھا، پولیس اور انتظامیہ بچے کو تلاش کرکے بازیاب کروایا جائے۔

واضح رہے کہ نارتھ کراچی کے صارم کے اغوا اور قتل کے بعد بعد سائٹ ایریا سے دو، گارڈن سے دو، سائٹ ایریا سے دو، اورنگی ٹاؤن سے دو، گلشن اقبال سے 15 سالہ لڑکی سمیت 17 افراد اغوا ہوچکے ہیں جن کے پولیس نے مقدمات درج کرلیے ہیں۔