خواتین پر تشدد کا کوئی جواز نہیں ہے، جبران ناصر کا اشفاق ستی کے بیان پر ردعمل

انسانی حقوق کے معروف کارکن اور قانون دان جبران ناصر نے کہا ہے کہ خواتین پر تشدد کا کوئی جواز نہیں ہے۔

جبران ناصر نے سوشل میڈیا پلیٹ فارم X پر ایک صحافی اشفاق ستی کی ویڈیو پر ردعمل دیا۔ واضح رہے کہ اشفاق ستی نے دو روز قبل مبینہ طور پر اپنی دوسری بیوی نومیکا کے خلاف مقدمہ درج کرایا اور اب جبران ناصر نومیکا اشفاق کے وکیل کے طور پر مقدمے کی پیروی کررہے ہیں۔

جبران ناصر نے اشفاق ستی کے ویڈیو بیان کے جواب میں لکھا کہ ’"ہمارا گورننس ڈھانچہ خواتین کو تحفظ اور ناقابل تسخیر وقار کا احساس فراہم کرنے میں ناکام ہے جس کی آئین کے تحت  انہیں ضمانت دی گئی ہے، ہر کوئی صرف انصاف اور مناسب عمل کے مطالبہ کے لیے عوامی سطح پر بات کرنے کی جرات نہیں کر سکتا جو ان کا حق ہے۔"

انہوں نے مزید کہا کہ ہمارے معاشرے میں مرد معاشرتی ڈھانچے اور استحقاق کا غلط استعمال کرتے ہیں، شادی ختم کر دیں یا بیوی کو زبردستی ازدواجی گھر سے نکال دیں ہر موقع پر خواتین کا استحصال کیا جاتا ہے، پھر بھی یہ وہ لوگ ہیں جو اپنی بیویوں کو زبردستی قید کرنا اور ان سے اس امید پر مار پیٹ کرنا ضروری سمجھتے ہیں کہ وہ لڑائی یا رد عمل کا اظہار نہیں کریں گی۔

انہوں نے کہا کہ ’ہمیں نہ صرف بہتر بیٹوں کی پرورش کرنے کی ضرورت ہے بلکہ احتساب کی بہتر مثالیں قائم کرنے کی بھی ضرورت ہے‘۔

جبران ناصر نے لکھا کہ ’جب مرد اور عورت کے درمیان قد میں 8 انچ اور وزن میں 30 کلوگرام سے زیادہ کا فرق ہو اور عورت کے جسم پر متعدد زخموں کے نشانات موجود ہوں، فرض کریں کہ یہ مرد کی طرف سے اپنے دفاع یا لاپرواہی کا عمل تھا۔ یہ ایک سنگین اور گھناؤنے حملے کا معاملہ ہے جس سے عورت کی زندگی کا خاتمہ ہو سکتا ہے۔‘