لاہور: ملزم نے عمرے کے ٹکٹ کے بدلے ایک شخص کو قتل کردیا

لاہور پولیس نے قتل کے ایک مقدمے میں اپنی تفتیش کے دوران انکشاف کیا کہ مجرم نے عمرہ کے ٹکٹ کے بدلے ایک شخص کو قتل کیا تھا۔

یہ المناک واقعہ یکم جنوری کو پیش آیا، لاہور میں 2025 میں قتل کا پہلا مقدمہ درج ہوا۔ پولیس کے مطابق ملزم شوٹر عثمان کو ریاض نامی شخص کے قتل کا اعتراف کرنے کے بعد گرفتار کیا گیا۔

تفتیش میں انکشاف ہوا کہ اس گھنائونے فعل کو انجام دینے کے عوض عثمان کو ماسٹر مائنڈ نے عمرہ کے دو ٹکٹس کی پیشکش کی تھی۔

قتل کے ماسٹر مائنڈ کی شناخت بعد میں ریاض کے بہنوئی امتیاز کے نام سے ہوئی۔ یہ انکشاف ہوا کہ امتیاز نے قتل کی منصوبہ بندی کی تھی، جس نے عثمان کو جرم کے لیے "ٹپ منی" کے طور پر عمرہ کے ٹکٹ کی پیشکش کی تھی۔

پولیس کی تفتیش میں انکشاف ہوا ہے کہ ریاض اور امتیاز جائیداد کے تنازع پر الجھ چکے تھے۔

قتل کے دن ریاض اپنی اہلیہ کے ساتھ مقامی بازار میں تھا۔ ریاض کے بہنوئی امتیاز اور عثمان اس کے پیچھے بازار گئے تھے۔

حکام مقتول کے نمبر پر اس کی فون کال کے ذریعے عثمان کو ٹریس کرنے میں کامیاب رہے۔فی الحال امتیاز فرار ہے تاہم پولیس نے یقین دلایا ہے کہ اس کی تلاش جاری ہے اور اسے جلد ہی گرفتار کرلیا جائے گا۔