لاہور، سگی بھابھی کو نوکری کا لالچ دے کر زیادتی کی کوشش کرنے والا دیور گرفتار

اپنی سگی بھابھی کے ساتھ زیادتی کی کوشش کرنے والے اوباش کو پولیس نے گرفتار کرلیا۔

تفصیلات کے مطابق لاہور کے علاقے مصری شاہ پولیس نے سگی بھابھی سے زیادتی کی کوشش کرنے والے اوباش نوجوان کو شکایت موصول ہونے پر حراست میں لے لیا۔

دیور نے بھابھی کو نوکری کا جھانسا  دے کر اپنے خالی گھر پر بلایا اور پھر جبری طور پر زیادتی کی کوشش کی جس کے دوران خاتون زخمی ہوگئیں۔

واقعے کی اطلاع ملنے پر پولیس نے فوری کارروائی کرتے ہوئے ملزم کو گرفتار کرلیا۔

ایس پی سٹی بلال احمد کے مطابق ملزم شبیر کو چند گھنٹوں میں گرفتار کرلیا گیا، جس کے خلاف مقدمہ درج کرکے تحقیقات شروع کردی گئی ہے۔