لاہور میں 12 سالہ بچے سے اسلحے کے زور پر اجتماعی زیادتی

لاہور میں ایک دل دہلا دینے والا واقعہ سامنے آیا ہے جس میں تین ملزمان نے 12 سالہ لڑکے کو بندوق کی نوک پر اغوا کر کے اجتماعی زیادتی کا نشانہ بنا ڈالا۔

تفصیلات کے مطابق لاہور میں مسلح افراد نے لڑکے کو اغوا کیا اور قریبی گھر میں لے جاکر اُس کو اسلحے کے زور پر زیادتی کا نشانہ بنایا۔ پولیس نے متاثرہ لڑکے کے والد کی مدعیت میں ملزمان کے خلاف مقدمہ درج کر لیا۔

پولیس نے بتایا کہ مشتبہ افراد کی شناخت کر لی گئی ہے اور ان کی گرفتاری کی کوششیں کی جا رہی ہیں۔ ملزمان میں سے ایک کی شناخت غلام خان کے نام سے ہوئی ہے جو مرکزی ملزم ہے۔

پولیس نے بتایا کہ زیادتی کرنے والوں نے سارے عمل کی ویڈیو موبائل میں ریکارڈ بھی کی اور لڑکے کو دھمکی دی کہ اگر اُس نے کسی کو بتایا تو پھر وہ اسے وائرل کردیں گے۔

واقعہ کی حساس نوعیت اور مقتول کی عمر کے پیش نظر قانون نافذ کرنے والے اداروں کی جانب سے مزید تفصیلات فراہم نہیں کی گئیں۔