لوئرکرم ،امدادی سامان کے قافلے کی گاڑیوں پر فائرنگ، ڈرائیور جان سے گیا

ضلع کرم میں لوئرکرم کے علاقوں میں امدادی سامان کی گاڑیوں کے قافلے پر دہشت گردوں کی فائرنگ کے باعث ٹرک ڈرائیور اکرم خان چل بسا۔

پولیس کے کا کہنا ہے کہ آج صبح کھانے پینے کی اشیا، ادویات اور دیگر سامان سے لدی 64 گاڑیاں ضلع ہنگو سے ضلع کرم کیلئے روانہ ہوئی تھیں۔

پولیس کے مطابق لوئرکرم پہنچنے پربگن،او چت، مندوری، ڈاڈ قمر اور چارخیل سمیت 7 مقامات پر قافلے پر حملے کیے گئے جس کے نتیجے میں 5 ٹرک ڈرائیور گولیاں لگنے سے زخمی ہوگئے۔

 بعدازاں زخموں کی تاب نہ لاتے ہوئے ایک ڈرائیور اکرم خان لقمہ اجل بن گیا۔

پولیس کے مطابق حملے کے بعد مال سے لدی ہوئی 64 گاڑیوں میں سے 42 گاڑیاں پھنس گئیں اور کچھ گاڑیوں کے مالکان واپس ہنگو کے لیے روانہ ہو گئے۔

زخمی ڈرائیور اکرم خان کا کہنا ہے کہ میڈیسن سے بھرے ٹرک کو دہشت گردوں نے لوٹ لیا۔