مہندی کی تقریب میں شراب نوشی سے روکنے پر کزن نے دلہا کی بہن کو قتل کر دیا

مہندی میں شراب نوشی سے روکنے پر کزن نے دلہا کی بہن کو قتل کردیا

پنجاب کے علاقے اسلام پورہ میں مہندی کی تقریب میں شراب نوشی سے روکنے پر ایک نشئی شخص نے فائرنگ کر کے دلہا کی بہن کو قتل کردیا۔

پولیس کے مطابق واقعہ اسلام پورہ کے علاقے عمر فاروق روڈ پر مہندی کی تقریب میں پیش آیا۔ ملزم عارف دلہا فیصل کا رشتے دار ہیں جو شراب پی کر تقریب میں اسلحے کے ساتھ پہنچا۔

غل غپاڑہ دیکھ کر دلہا کی بہن نے اپنے ماموں زاد بھائی عارف کو مزید شراب نوشی سے روکا اور ایک جگہ بیٹھنے کی تاکید کی تو اس نے پستول نکال کر تین فائر مار دیے۔

خاتون کو اہل خانہ تشویشناک حالت میں اسپتال کے کر پہنچے جہاں وہ دوران علاج دم توڑ گئی جبکہ ملزم موقع سے فرار ہوگیا۔

مقتولہ صوبیہ خوش بھی نکاح یافتہ اور چند روز بعد اسکی رخصتی تھی، متعلقہ پولیس نے لاش کو مردہ خانے جمع کروا کر قاتل کی تلاش شروع کر دی ہے۔