مصطفی عامر قتل کیس، ارمغان کمرہ عدالت میں بے ہوش

ڈیفس سے اغوا کے بعد قتل ہونے والے نوجوان مصطفیٰ عامر کیس کا ملزم ارمغان کمرۂ عدالت میں بے ہوش ہو گیا۔

ملزم ارمغان کو کراچی کی انسدادِ دہشت گردی کی عدالت نمبر 2 میں پیش کیا گیا۔ اس موقع پر ملزم ارمغان کمرۂ عدالت میں بے ہوش ہو گیا۔

سرکاری وکیل نے عدالت کو بتایا کہ ملزم کو دو گھنٹے پہلے ہائی کورٹ میں پیش کیا گیا، وہاں معائنہ بھی ہوا ہے، طبیعت ٹھیک تھی۔ عدالت نے کہا کہ میڈیکل معائنہ تو ہو چکا ہے۔

کمرۂ عدالت میں پولیس اہلکاروں نے ارمغان کو ہوش میں لانے کی کوشش کی، جس کے بعد ارمغان کو کمرۂ عدالت میں صوفے پر لٹا دیا گیا۔ واضح رہے کہ عدالت نے ملزم ارمغان کو 4 روزہ جسمانی ریمانڈ پر پولیس کے حوالے کر دیا ہے۔