نوڈلز کھانے کے بعد کمسن بہن اور بھائی جاں بحق

لاہور کے علاقے مناواں میں مضر صحت نوڈلز کھانے سے دو بہن بھائی جاں بحق ہوگئے۔

تفصیلات کے مطابق مناواں میں گھر میں مبینہ طور پر مضر صحت نوڈلز کھانے سے دو کمسن بہن بھائی جاں بحق ہوگئے جن کی شناخت 9 سالہ رافع اور11 سالہ مریم کے ناموں سے ہوئی۔

اہل خانہ کے مطابق بچوں نے نوڈلز کھائے تو اُن کو الٹیاں آنا شروع ہوگئیں، طبعیت خراب ہونے پر بچوں کو اسپتال منتقل کیا گیا جہاں وہ زیر علاج رہنے کے بعد دم توڑ گئے۔

میڈیکل رپورٹ میں یہ بات سامنے آئی کہ نوڈلز کھانے کے بعد بچوں کے زہر میں جسم پھیل گیا تھا۔