نوشہرہ سے لاپتہ ہونے والی ٹک ٹاکر بہنیں بازیاب

خیبرپختونخوا کے ضلع نوشہرہ سے تعلق رکھنے والی افغان جڑواں ٹک ٹاکر بہنیں شکیلہ اور نائلہ کو 6 روز بعد مردان سے بازیاب کروالیا گیا ہے۔

اہل خانہ کے مطابق دونوں بہنیں مردان میں شاپنگ کے بعد لاپتہ ہو گئی تھیں، چھ روز بعد پشاور سے بازیاب ہو گئی ہیں۔

 رسالپور پولیس نے موبائل ڈیٹا کی مدد سے ان کا سراغ لگا کر کامیاب کارروائی کی اور بہنوں کو بحفاظت تھانہ رسالپور پہنچا دیا گیا۔  

واقعے کی رپورٹ (174) بہنوں کی والدہ کی جانب سے تھانہ رسالپور میں درج کی گئی تھی۔ بہنوں نے عدالت سے تحفظ کی اپیل کی تھی کیونکہ غیرت کے نام پر قتل کا خدشہ تھا۔

 تاہم، عدالت نے والدہ کی طرف سے بچیوں کی حوالگی کی درخواست مسترد کر دی اور انہیں دارالامان مردان منتقل کرنے کا حکم دے دیا۔ فی الحال، دونوں بہنیں بحفاظت دارالامان مردان منتقل ہو چکی ہیں۔  

پولیس افسر ڈی ایس پی نسیم خان نے اس کامیاب کارروائی کی تفصیلات بتاتے ہوئے کہا کہ جدید ٹیکنالوجی اور موبائل ڈیٹا کی مدد سے لاپتہ لڑکیوں کو تلاش کرنے میں مدد ملی۔