پاکپتن میں آوارہ کتوں نے ننھے بچے کو نوچ نوچ کر کھا لیا

پاکپتن کے علاقے فرید کوٹ میں آوارہ کتے نے حملہ کرنے کے بعد کمسن بچے کو نوچ نوچ کر کھالیا۔

تفصیلات کے مطابق مقتول محنت کش کا معصوم چار ماہ کا بچہ تھا اور وہ کمرے میں دروازے کے قریب رکھے جھولے میں سکون سے سورہا تھا۔

اس دوران بچے کی ماں پڑوس میں کسی کام سے گئی اور واپس آئی تو ایک کتا بچے کو منہ میں دبا کر باہر لے گیا، ماں کی چیخ پکار پر علاقہ مکین جمع ہوئے اور انہوں نے بچے کو کتے کے چنگل سے چھڑوایا تاہم اُس وقت تک بہت دیر ہوچکی تھی۔

اہل خانہ بچے کو اسپتال لے کر پہنچے تو وہ دم توڑ چکا تھا، علاقہ مکینوں کے تشدد سے کتا بھی ہلاک ہوگیا ہے۔