پانچ سالہ بچہ زیادتی کے بعد قتل، لاش پڑوسی کے باتھ روم سے برآمد

پنجاب کے علاقے گوجرانوالہ میں پانچ سالہ بچے کو مبینہ زیادتی کے بعد قتل کردیا گیا۔

گوجرانوالہ کے علاقے نور کورٹ میں پیر کی صبح سے لاپتہ پانچ سالہ عثمان نامی بچے کو قتل کردیا گیا۔

پولیس کے مطابق واقعہ تھانہ صدر کے علاقہ سلطان پور میں پیش آیا، بچے کی لاش ہمسائے کے گھر کے واش روم سے برآمد ہوئی۔

پولیس نے لاش کو پوسٹ مارٹم کیلیے اسپتال منتقل کردیا اور ضابطے کی کارروائی کے بعد لاش لواحقین کے حوالے کردی۔ پولیس نے جائے وقوعہ سے شواہد اکھٹے کرلیے۔