پی پی رہنما قتل

کراچی کے علاقے ڈالمیا میں پیپلز پارٹی کے مقامی رہنما کو پرانی دشمنی کے باعث فائرنگ کر کے قتل کر دیا گیا۔ پولیس کے مطابق، واقعے کی ابتدائی تحقیقات سے معلوم ہوا ہے کہ یہ قتل ذاتی دشمنی کا نتیجہ تھا۔  

ایس ایس پی ایسٹ فرخ رضا نے بتایا کہ مقتول پیپلز پارٹی کا مقامی عہدیدار تھا، جس کے کئی افراد سے تنازعات چل رہے تھے۔

انہوں نے کہا کہ واقعے کی تفصیلی تحقیقات جاری ہیں، اور ملزمان کی گرفتاری کے لیے تمام اقدامات کیے جا رہے ہیں۔  

دوسری جانب صوبائی وزیر داخلہ ضیا الحسن لنجار نے واقعے کی سنگینی کو دیکھتے ہوئے ایس ایس پی ایسٹ سے تفصیلات طلب کی ہیں۔

انہوں نے ہدایت دی کہ شواہد کی روشنی میں تفتیش کو نتیجہ خیز بنایا جائے اور ملزمان کو جلد از جلد گرفتار کیا جائے۔