پیٹرول اور ڈیزل کی قیمتوں میں ایک بار پھر اضافہ

حکومت نے پیٹرولیم مصنوعات کی قیمتوں میں معمولی اضافہ کر دیا ہے۔ جاری کردہ نوٹیفکیشن کے مطابق پیٹرول کی قیمت میں 1 روپے 63 پیسے جبکہ ہائی اسپیڈ ڈیزل کی قیمت میں 1 روپے 55 پیسے فی لیٹر اضافہ کیا گیا ہے۔

اضافے کے بعد پیٹرول کی نئی قیمت 335 روپے 81 پیسے فی لیٹر مقرر کی گئی ہے، جبکہ ہائی اسپیڈ ڈیزل 388 روپے 38 پیسے فی لیٹر میں دستیاب ہوگا۔

نئی قیمتوں کا اطلاق آج رات 12 بجے سے ہوگا اور یہ نرخ 29 جولائی کے لیے مقرر کیے گئے ہیں۔

حکومتی نوٹیفکیشن کے مطابق پیٹرولیم مصنوعات کی قیمتوں میں یہ ردوبدل عالمی منڈی میں تیل کی قیمتوں اور دیگر متعلقہ عوامل کو مدنظر رکھتے ہوئے کیا گیا ہے۔