رمضان المبارک میں کراچی کے صارفین کو 11 گھنٹے سے زائد اعلانیہ گیس لوڈشیڈنگ کا سامنا کرنا ہوگا

سوئی سدرن گیس کمپنی نے کراچی سمیت دیگر گھریلو صارفین کیلیے رمضان المبارک کا گیس لوڈشیڈنگ ٹائم جاری کردیا۔

سوئی گیس کی جانب سے جاری اعلامیے میں کہا گیا ہے کہ رمضان المبارک کے دوران سحر و افطار کے وقت گیس کی فراہمی کو یقینی بنایا جائے گا۔

اعلامیے کے مطابق رمضان المبارک میں سحر کے وقت رات 3  بجے سے صبح 9 جبکہ افطار کے وقت دوپہر ساڑھے تین بجے سے رات 10 بجے تک گیس سپلائی کی جائے گی۔

اس حساب سے گھریلو صارفین کو 24 گھنٹوں میں سے ساڑھے 12 گھنٹے گیس ملے گی جبکہ انہیں ساڑھے گیارہ گھنٹے گیس لوڈشیڈنگ کا سامنا کرنا پڑے گا۔