راولپنڈی میں 22 سالہ لڑکی سے ملزم کی گھر میں گھس کر زیادتی

راولپنڈی میں بائیس سالہ لڑکی سے زیادتی کرنے والے ملزم کو پولیس نے گرفتار کرلیا۔

راولپنڈی کے تھانہ صدر بیرونی نے متاثرہ لڑکی کی والدہ کی درخواست پر کارروائی کرتے ہوئے ملزم ارشد محمود کو حراست میں لیا۔

خاتون نے مؤقف اختیار کیا کہ ملزم ارشد محمود نے میری غیر موجودگی میں میرے گھر گھس کر میری بیٹی کو زیادتی کا نشانہ بنایا۔

ایس ایچ او نے بتایا کہ متاثرہ لڑکی کا میڈیکل پراسیس کروایا گیا ہے جس کے بعد مزید کارروائی کی جائے گی۔

اُدھر ایس پی صدر نے کہا کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے۔