راولپنڈی میں بچے کے ساتھ بدفعلی کرنے والا ادھیڑ عمر شخص گرفتار

راولپنڈی کے علاقے گوجر خان میں پولیس نے بچے کے ساتھ بدفعلی کرنے والے ادھیڑ عمر شخص کو گرفتار کرلیا۔

پولیس کے مطابق ملزم خلیل نے 24گھنٹے قبل ایک بچے کو اپنے ڈیرے پر لے جاکر زیادتی کا نشانہ بنایا جس کے بعد متاثرہ کے والد نے پولیس کو واقعے سے آگاہ کیا اور مقدمہ درج کرایا۔

پولیس نے مقدمہ اندراج کے بعد 24 گھنٹے کے اندر ملزم کو گرفتار کیا جبکہ اُس نے اپنے گھناؤنے جرم کا اعتراف بھی کیا ہے۔ پولیس کے مطابق بچے کا میڈیکل کروالیا گیا ہے جس میں زیادتی کی تصدیق ہوئی ہے۔

ایس پی صدر محمد نبیل کھوکھر نے اس عزم کا اعادہ کیا کہ ملزم کو مضبوط چالان کے ساتھ عدالت میں پیش کر کے قرار واقعی سزا دلوائی جائے گی۔